M.C. Drullusokkar Stofnað 04.05.06.

Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
foldahraun25@gmail.com

Færslur: 2012 Maí

21.05.2012 11:12

Skoðunardagur Mótorhjóla í Eyjum 2012

Bara að minna á skoðunardaginn hjá Frumherja sem verður á fimtudaginn næstkomandi

Þann 24 maí verður skoðunardagur mótorhjóla í Vestmannaeyjum fyrir árið 2012 opið verður fyrir Mótorhjól frá kl 13,00 - 1900 veittur verður afsláttur af skoðunargjaldi fyrir hvert mótorhjól að vanda verður boðið upp á Pylsur og kók eins verður eitthvað slikkerí á boðstólum fyrir sælkerana.Það verður gott fyrir mallan að hjóla heim saddur á nýskoðuðu mótorhjóli.
Það var þrusu mæting í fyrra og vonandi verður það einig nú. ps Jenni Rauði verður sveittur við grillið ásamt aðstoðarmönnum og vonumst við til að pylsurnar verði jafnvel enn betri en í fyrra.

                   Frumherji og Drullusokkar saman
                            þá verður gaman.

20.05.2012 21:31

Honda CB 750 four ever


Hér eru tvær af fimm 750 Hondum Eyjamanna í dag og er þá átt við þessar gömlu með Sohc mótornum það er einn yfirliggjandi knastás. Myndirnar voru teknar um daginn þegar hittingur var hjá okkur sokkum. Fyrir þá sem ekki vita að þá er sú bláa í eigu formanns og sú rauða í eigu varaformans Drullusokka, svo það sést að Sokkarnir geta líka verið tandur hreinir.





Sú rauða er K1 og táknar árgerð 1971, sú bláa er K4 og er árgerð 1974 bæði þessi hjól eru algörlega í orginal lúkki að utan en innvolsið er algjört leyndarmál og má Gilli Úra og Biggi Jóns ekki vita meira um það.





 En eins og Daddi segir Kúta fjöldinn er mikill á þessum fortíðargræjum








20.05.2012 00:05

Ísleifur á 1200 Gold Winginum




Hér er Isleifur Ástþórsson hér oftast kallaður Iddi á öðru af Gold Wing hjólum sínum. Þennan væng átti hér áður fyrr Sigmund teiknari hér í Eyjum.



Hann er vel alvöru gefin þarna hann Iddi en samt var hann sprelligosi mikill hér á árum áður enda bjó hann þá hér í Eyjum og var í slagtogi með Tóa Vídó, Gísla Sveins og Bauja svo einhverjir séu nefndir.

18.05.2012 16:34

Kíkt við hjá Hilmari Lúthers

 Hér eru nokkrar myndir sem ég tók hjá félaga Hilmari Lútherssyni á Selfossi um daginn og skoðaði hluta af hjólaflotanum hjá gamla. Hilmar er sá maður sem gert hefur upp flest gömul mótorhjól á Islandi og hafa margir glæsigripirnir runnið í gegnum hendur hans í gegnum árin. Flestir mótorhjólamenn á Islandi kannast við þennan ljúfling sem ber númmerið 1 í hinu stóra félagi Sníglunum en auk þess þá er sá gamli Drullusokkur # 0 enda pípulagningarmaður í gegnum lífið og var hans þarfasti þjónn í vinnuni eimitt drullusokkur.





Hér er Iddi að kíkja á þetta hjá Hilmari.



Hér stendur Hilmar við forlárta KK skellinöðru sem hann gerði upp frá grunni það voru margar KK á götunum hér áður en Hondubyltingin kom árið 1963. Bíllinn í bakgrunninn er 1954 árgerðin af Hudson.



Hér er annað af Ariel hjólum Hilmars 500 cc 1 cylindra með tveimur útblástursgötum flott græja þetta.



Mikil mubla þetta hjá gamla.

17.05.2012 14:34

Alveg magnaður síðasti hringurinn í reisi 2. í súperbækinu á Donington um síðustu helgi.


16.05.2012 22:09

Þvílík breyting......

Nú var Blade-ið að koma úr þessu þvílíka pimpi...

Fyrir

Eftir... (eins og á 2012)

16.05.2012 12:33

Gamla Súkkan hans Lauga.






Meðal hjóla sem sýnd voru í Borgarnesi var þetta gamla eyjahjól með númerinu V 2015 en Guðlaugur Friðþórsson átti það hér á sínum tíma en það komu tvö svona GS 1000 S árið 1979 eða 1980 og átti hitt hjólið um tíma hér í eyjum Gunnar Laxfoss eða Laxi. Gamla Súkkan hans Lauga er töluvert breitt fá upphaflega útlitinu m.a. kominn annar afturgaffall, grindin og margt annað orðið rautt en var upphaflega svart eins er pústflækjan undir hjólinu en þetta var allt gert hér í eyjum fyrir einum 25 árum síðan.

15.05.2012 10:30

Frá Raftasýningu 2012.


















Þarna var Frikki Dúllari Fjallfoss að vanda.



Dr Bjössi mætti að sjáfsögðu í Borgarnes á Kawanum sínum nei ég meina Toyotuni sinni enda full blautt fyrir kauða sem er vanur inniveruni blessaður.



En hinir létu bara hjólin duga enda þurt í Borgarnesi.


13.05.2012 11:44

Ferð í Borgarnes á Rafta sýningu


Nokkrir Sokkar lögðu leið sína upp í Borgarnes í gær í bleytudrullu en það var alveg þurt þarna uppfrá og gaman að hitta þarna marga og margt sem á boðstólum var þetta var í heildina barasta fínasta ferð og kem ég meira frá sýninguni síðar en nú eru það ferðarfélagarnir.



Hilmar Adólfs # 150 var mættur þarna og dreif sig með okkur upp eftir.



Og bróðir hans Adólf Adólfs # 141 á Harley hjóli sínu



Einar Sigþórs # 3 var að sjálfsögðu mættur á svæðið.



Og vinur hans Guðni var með í för á Busuni sinni.



Símon Þór # 34 var á hjóli sonar síns en eitthvað var nú lítið eftir af munstri í afturdekkiu en þetta bjargaðist nú samt allt.



Helgi Helgason # 151 var með í för á Harley hjólinu sem hann verslaði af Sigga Árna # 6.



Og gamli  # 1 var á Harley hjólinu sínu enda allt of blautt fyrir 750 Honduna.





Hér er hópurinn saman kominn og stuttu síðar bættist Daddi # 72 í hópinn við vorum 3 þarna sem erum búsettir í Eyjum en auk mín og Dadda var Bergur Guðna # 136 með í för á hjóli Guðna bróður síns.



Hér er svo Daddi # 72 að brasa við rennilásinn en eitthvað hefur gallinn hans þrengst í vetur. Látum þetta duga í bili en kem svo seinna með myndir úr Borgarnesi.


12.05.2012 15:37

CBR1100XX


HONDA CBR1100XX Blackbird 2005
í eigu Jóns Steinars.





11.05.2012 10:11

Raftasýningin 2012


Nú hefur veðurspáin breist mjög svo til hins betra varðandi Borgarnes ferð og eiginlega ekkert að því að skreppa þarna upp eftir sýna sig og sjá aðra og fínasti rúntur í leiðini.
Það kom upp sú hugmynd að hittast við stóru Select bensinstöina víð vesturlandsveg um kl 13,00 á morgun og rúlla upp í Borgarnes og svo til baka aftur seinnipartinn í Landeyjarhöfn.

10.05.2012 20:28

Stebbi




Vefnum barst þessi fína mynd af Stebba #13. Myndin er tekin úti á Granda og í bakrunn er Ásbjörn RE 50, og þar er Stebbi einmitt vélstjóri.

Við þökkum Sigurði R Sigurðssyni fyrir myndina.

09.05.2012 20:03

Repsol CBR 2005 & 2007

Hér sjáið þið muninn á CBR1000 REPSOL 2005 og 2007
Gummi #73 átti 2005 hjólið þegar að myndin var tekin, en í dag á Sigurbjörn #138 hjólið.
Gummi á 2007 hjólið í dag en það gæti orðið þitt fyrir aðeins eina milljón og fimmhundruðþúsund krónur. Þetta "aðeins" reddar alveg auglýsingunni.

2005

2007
Munurinn er lygilega mikill miðað við að fljótt á litið eru hjólin eins !!!!

09.05.2012 18:52

fjöruferð á Kawasaki z 1300.




Hér er ein mynd frá árinu 1997 og er hér verið að reyna að komast niður í Þykkvabæjarfjöru á Kawasaki Z 1300 og var tilefnið að skoða fluttningaskipið Víkartind sem hafði strandað þar um veturinn. Ekki komst sokkur # 1 langt niður á sandinn og sökk þetta 297 kílóa flykki strax í sandinn og var ekkert grín að ná því upp aftur. Það hefði kanski verið svipað að ná Víkartindi á flot aftur og ná Kawanum upp aftur en kanski smá léttara að ná hjólinu upp enda hafði ég öflugan dráttarbát með í för sem heitir Darri og var hann fjótur að kippa honum út ( Kawanum )
Flettingar í dag: 103
Gestir í dag: 31
Flettingar í gær: 524
Gestir í gær: 90
Samtals flettingar: 4662068
Samtals gestir: 614055
Tölur uppfærðar: 16.9.2019 03:52:54