M.C. Drullusokkar Stofnað 04.05.06.

Hvetjum félagsmenn til að senda inn myndir af sér og hjólunum sínum í félagaskrána.
Einnig ef þið eruð með skemmtilegar hjólamyndir, fréttir eða aðrar tilkynningar sem eiga heima hér.
foldahraun25@gmail.com

Færslur: 2015 Júní

29.06.2015 14:04

ATH

A T H

Vegna slæmrar veðurspár hefur tjöldun á veitingartjaldinu verið frestað.

A T H

28.06.2015 22:28

Enn af landsmóti

Næstkomandi þriðjudagskvöld kl 20:00 ætlum við að hittast í Gullborgarkrónni og taka lokafund fyrir mótið, best er að fá sem flesta. Ég trúi ekki að Bryndís svíki okkur annan fundinn í röð með vöfflurnar.


Svo á mánudaginn (á morgun) kl 17:00 verður veitingatjaldið sett upp í dalnum, allir að mæta með 17mm topp og skrall.


(á mánudaginn 1717)

25.06.2015 09:09

Fimmtudagshittingur



Bryndís lofaði að koma með vöfflur í kvöld.

Í kvöld er síðasti fimmtudagshittingurinn fyrir landsmótshelgina okkar, við vonumst því til með að sjá sem flesta í kvöld. Það eru ýmsir lausir endar sem þarf að ganga frá, og því gott að fá sem flesta til þess að hjálpa til.
Vonumst til að sjá sem flesta.

Kv. stjórnin

23.06.2015 17:36

Enn af Landsmóti

Margt er búið að ganga á hjá okkur í undirbúningnum en nú eru hlutirnir farnir að skírast og erum við bara nokkuð bjartsýn hér í eyjum á gott mót. Verðin eru komin á hreint ; 7000 kr. á mótið, 4000 kr. fyrir dagpassa og þeir sem gista á í dalnum þurfa að borga 1100kr fyrir nóttina + rafmagn ef þess er þörf. Á svæðinu er salernis og sturtuaðstaða.

Dagskráin verður svipuð og í drögunum, en enn á eftir að klára að tímasetja viðburðina nákvæmlega, og aðeins hefur bæst inní. En helstu punktar eru : Grill, súpa, Sniglabandið, Jarl Sigurgeirs, Drullusokkaleikarnir í samstarfi við Súperman og frú, King Johnsen, og slatti af bulli með í bland.

Við vonumst til að sjá sem flesta, Drullusokka og ekki sokka, þetta verður þræl gaman hjá okkur.

01.06.2015 19:31

Meira um sjómannahelgi og landsmót




Eins og áður hefur komið fram þá verður skoðunardagur og pulsu/pylsugrill á fimmtudaginn, á föstudagskvöldinu verður svo grill og fínerí á skipasandi, og á laugardaginn verðum við með mótorhjólasýningu á Skipasandi opið verður í húsnæðinu hans Rabba á Dala-Rafn og hjá Darra og Tryggva
, þar sem hjólum verður raðað uppi inni og úti ef vel viðrar. Svo kemur Jón í JHM sport í heimsókn og kynnir fyrir okkur allt það nýjasta í mótorhjólaaukahlutum og fatnaði, hann verður í húsnæðinu hans Gilla Vals á Skipasandi. Þannig að Drullusokkadagskráin fyrir sjómannhelgina er þræl spennandi.




Landsmótsfréttir.

Allt er á fullu í undirbúningi fyrir landsmótið. Verið er að leggja lokahönd á leyfis- og pappírssúpuna sem mótinu fylgir, við verðum svo sem fyrr segir í Herjólfsdal með lítið svið þar sem Sniglabandið mun að sjálfsögðu troða upp, og eru þeir (örugglega) búnir að eyða miklum tíma á æfingum fyrir giggið. Það er verið að pæla í óskalagaþema á föstudagskvöldið og trilltum dansleik á laugardagskvöldið. Aukaferð verður farin frá Landeyjahöfn seinnipartinn á fimmtudeginum 2. júlí, töluvert er búið að bóka í ferðina og hvetjum við fólk til að klára það tímanlega, og ekki er verra að hafa strappa með sér, þeir eru þægilegri en bílastrapparnir um borð.

Endilega deila þessu Facebookinu.

Kveðja Stjórnin.
  • 1
Flettingar í dag: 2032
Gestir í dag: 101
Flettingar í gær: 667
Gestir í gær: 114
Samtals flettingar: 3756690
Samtals gestir: 539432
Tölur uppfærðar: 14.12.2017 16:50:44